عبر الناخب الوطني وليد الركراكي عن استيائه، بعد التعادل ضد موريتانيا بدون أهداف، في المباراة التي جمعتهما أمس الثلاثاء بملعب أدرار بأكادير.
وقال الركراكي:”بطبيعة الحال مغاديش نكونو فرحانين، خصوصا أننا لعبنا بريتم ناقص فالشوط الأول، ومطلعناهش وطحنا فالفخ ديالهم”.
وأضاف:”بحال هاذ الماتشات خاصنا نكونوا “قتَّالة”،
الدراري يمكن ترخاو بزاف بعدما بدلت 4 اللعابة، لكن من المهم باش يعرفو مزيان كيفاش كيتلعبو الماتشات فالبلاد، حيث الفراقي كيرجعو اللور ويتسناونا ويضيعو الوقت وحنا خاصنا نلقاو الحل”.
وتابع:”صراحة ليوما ملعبناش بالمستوى ديالنا، عندنا دراري جداد بحال إلياس بنصغير وبراهيم دياز خاصهم مازال باش يولفو يلعبو مع زياش، ورحيمي حتى هو لعب مزيان، وخاصنا الوقت باش يلقاو الحلول وتكون عندنا فعالية أكبر ونعرفو كيفاش نربحو بحال هاذ الماتشات”.
وأوضح الناخب الوطني أن “المعسكر كان إيجابيا وغادي نتعلمو منو وخا كنا باغين نربحو ومنين كتعادل متقدرش تكون فرحان”.
وعن تصفيات المونديال قال الركراكي إنه يعرف منتخب زامبيا جيدا مضيفا أنه مكاينش ماتشات ساهلين وخاصنا بسرعة نزيدو للأمام”.
